星馬菜！不其然令我想起了好惹味的胡椒蟹！還有肉骨茶！嘴饞的時候，就要去食！因為跟個大肚婆食飯，所以有啲嘢要就一就佢食。~

呢一間，係鰂魚涌的星馬菜，叫隨心~~ 佢地方細細，但好骨子。唔錯架~~ 朋友話食過好食，所以帶我過黎~~

這個檸檬薏米水，薏米多到有成半杯！熱飲都好好味！啲薏米夠晒冧呢~~

海南雞例牌
HK$80


我是海南雞控，星馬菜出名是海南雞，我又點可以唔食！這裡的海南雞夠晒滑！而且雞味濃郁~~ 連最正宗的黑豉油都有埋呢~~

更正的是，去埋骨！平時唔點醬的我，黎這裡都忍不住點醬食。因為點晒三款醬，層次口感更一步提升！~

墨汁墨丸喇沙
HK$75


這裡的喇沙，湯頭挺鮮的！而重點要試是個墨丸！用上墨汁以及墨丸肉制成！比一般的墨丸墨魚味更為濃郁。而喇沙還有魚片頭，很大的一碗，我們要SHARE食呢~~ 當然，辣度也是剛剛好的啦~~

黑白胡椒炒蟹
HK$398


重頭戲，紀對是這個黑白胡椒炒蟹！勁大的一隻蟹比我的手還要大得多了！而且香濃的黑白胡椒味，但不會搶辣的感覺！每次也是用上新鮮生猛的大肉蟹去做，誠意十足！

食過咁多間的黑白胡椒炒蟹，這一間可以說是蟹肉滑到不行！就像是滑滑的炒蛋白般！肉質鮮嫩無比！但惹味的黑白胡椒也同樣不會被比下去！因為大肚婆唔食得，而咁大隻蟹就被我跟另一位友人兩人KO了！絕對是會因為這一隻蟹而再返黎食過啊！

馬拉盞油麥菜
HK$58


最後，再炒了一碟油麥菜作結，勁滿足的一餐！三個人，人頭費都係HK$200咋~~ 勁抵食！




隨心
鰂魚涌海光街12號
2117 3588