我是一個很喜歡食海鮮的人！聽到「海鮮」二字，就叮咗一聲！非食不可！想不到，傳統中式菜，也有突破的時候！用上了蒸氣石鍋，又黎「一雞兩味」，食上特別的海鮮盛宴~~

因為呢排成日都要去旺角買料搞新屋啲嘢。無意中發現了旺角道呢一間的蒸氣石鍋！睇個名令我諗起了「汗蒸浴」XDDD

店舖十分之大！有兩三層高吧？每枱都有自己的蒸氣石鍋，很有趣！

有個籐的「帽子」型蓋，蓋住石鍋！

而餐牌上，每樣海鮮都有蒸的時間說明，仲有計時器俾你。點蒸都唔怕過熟啦~~

飲住勁甜的自家製竹蔗水，嘆住食海鮮又唔錯。

揀完海鮮之後，蒸前佢會係個鍋底放上生米、還有排骨同南瓜。係不放任何水的情況下，再放上蒸隔去蒸海鮮。而所有海鮮的湯汁就會直接滴落去米度啦~~

先黎蒸上大大隻的龍蝦！見到都新鮮~~

就咁用上個夾將龍蝦夾去蒸盤，蓋上蓋子，按上所需的時間就可以了！

數分鐘後，大大隻的龍蝦，新鮮嫩滑的肉質！見到都流口水！

海鮮最重要是新鮮！只要新鮮，就簡簡單單清蒸也十分好味！蒸的時間由於跟足了餐牌，所以剛剛好呢~~

再來，就是大大隻的蟶子王，廚師前期工夫做足，蟶子乾淨衛生完全無沙！十分鮮甜！

大帝喜歡食魚，兩個人難食完一條，咁就食上龍等魚，切件上，加上大蔥以及薑片去蒸。

膠質十足，嫩滑非常！而且原汁原味，無過多花巧的調味感，這是食海鮮最好不過的做法！~

還有大大隻的扇貝！用上粉絲蒜蓉做底，吸收了海鮮的精華。好味呢~~

最後，還有蟲草蒸雞，蟲草的份量也不少的。而雞件新鮮，蒸完十分香呢~~

最後食雞，雞肉的嫩滑配上新鮮做起的粥，更是享受！

看！蒸完所有的海鮮以及雞之後，個粥也做好了！不是傳統很爛的粥感，這一個粥會有少少口感。加入了南瓜，攪拌後就變成南瓜溶排骨粥。是整晚的精華所在！~ 大滿足的一餐！


潮福蒸氣石鍋
旺角道1號壹號商業l 中心1樓全層