係蘭桂芳，成日都搵到啲好特別的餐廳！今次呢間AMAZAKE，食日本菜，但有啲菜式感覺都好西餐FEEL，好特別！

係呢度，餐廳中間仲會有個BAR枱，可以叫啲雞尾酒飲添~~

嘻！我就叫咗其中一杯，紅色，好鬼靚！

唔記得咗名，印象係莓類的特飲，不會太甜，而且酒味唔會好強，女仔好啱飲呢~~

而且好大杯，有排飲。

DIY Sushi Platter
壽司盛
HK$250

呢個，可以係兩人份的。如果你會再叫其他嘢食。因為啲料堅係好多！份量一啲都唔少！大食的人，食一個會好鬼飽！

料勁足，一共有七樣配料。刺身有魚子、有吞拿魚拖羅、三文魚等。仲有蛋、蟹柳、青瓜、牛油果。

食材好新鮮，大家可以按自己喜好點包壽司都得。

做法是夾一口飯，然後選自己的刺身配料。

用上新鮮紫菜包起，就食得！好好玩又好滿足！因為自己新鮮包，所以紫菜一定係卜卜脆的。而且令人回味非常！

仲附送有埋麵豉湯添~~

Pork Dumpling
豚肉餃子
HK$70

煎到金黃色，好鬼靚！而且上碟時好香呢~~

外層微脆，肉汁Juicy，而且會唧肉汁呢。唔使點點醬，就已經夠晒鮮味！看似簡單，但却是很好食的一道小食。

AMAZAKE Pizza
HK$128

三文魚、蟹子、仲有明太子！！想不到竟然可以用黎做Pizza！而且，味道仲好夾添！三文魚肉，絕對唔會少！片片都好大塊！上面仲舖有新鮮的蟹子，食起上黎好彈牙~~

一拎，起晒芝士絲！超正！Pizza 不會油，而且餅皮好薄，卜卜脆的！比起西式Pizza，相對會更為Fresh一啲，唔會咁漏！

Octopis Maruko
章魚丸子
HK$68

地道大阪風味的章魚丸子，個啲木魚絲，以及紫菜絲，新鮮蒲上。秘製醬汁夠惹味！好彩個丸子粉醬皮不厚！食時要子心辣親嘴仔。章魚粒如果再大粒啲就更加好！

Sweet Potato
甜薯薯條
HK$58

一般薯條，我不是十分喜好！但就瘋狂愛食甜薯薯條！喜歡其甜度比薯條高！而這裡是厚切！仲要係剛炸上黎，手拎起是會燙手的！不時不食！新鮮整起特別好食！甜度高的薯條，食到唔停得口！


AMAZAKE
中環安慶臺1號安慶大廈地舖