位於中信大廈的Mr Tomahawk 旺中帶靜。而且餐廳都好大下！

美式餐廳格局，用上黑白色主調，好鐘意呢種設計。

還有一排的窗口位，可以望到海景，更寫意。

白酒煮蜆
HK$150 / 6隻


超巨型特大的蜆！黎自紐西蘭，成個手掌咁大隻！一上枱，勁香！！

不要以為得個殼先係咁大！啲肉都好肥大！個叉都就黎叉唔起成個蜆肉啦！而且煮得火喉剛剛好，恰到好處。肉質極鮮！嫩滑非常！吸收了白酒的精華，一咬落去，仲要唧汁！好誇張！兩隻，唔夠喉囉~~

帶子沙律
HK$220


呢個沙律，用上北海道帶子。而沙律菜，是極少有的新鮮得很！！完全不會有苦味的！！每棵菜都新鮮嫩口，好FRESH~~

點睛之作，個帶子！是北海道帶子黎。微微煎過，上頭有無花果醋所造的啫喱粒粒。食上黎的時間，粒粒在口中爆開，微酸的無花果醋會令個沙律更有層次，好開胃！

見到個配湯的蒜蓉包，都覺得好有誠意。十分香脆，而且蒜蓉都好夠！

蘑菇湯
HK$60


菇菇怪，當然要飲蘑菇湯！少不了有著黑松露的香氣，個湯還特別加入白菌，所以湯的色澤會白少少，但菇味却不會減。

Bone in prime rib eye 
HK$160 / 100g


呢個係1KG的肉眼，超級無敵勁巨型！見到佢上枱，都哇咗一聲！！配埋新鮮炸起的薯角同埋沙律菜。

極肥厚的肉眼，份量絕對唔惹少！外層燒得香脆，要求的五成熟，也控制得十分之好。油香與牛香，令人流晒口水。

肥瘦適中，而且五成熟火喉好，微紅，肉質嫩滑。牛味十分濃郁。食落去，嫩口有啲油香，但不會肥膩。炭燒，令牛扒有著炭爐的特別香氣。

西班牙排骨 
HK$280 / 3枝


法國春雞
HK$280


呢個，有西班牙排骨同埋法國春雞，適合唔食牛的朋友。

排骨偏瘦，但醃得很足，入味非常。一人食上幾枝，絕不過份！而法國春，想不到雞肉嫩滑，仲會有肉汁添~~ 看似簡單，原來十分味美！會嫌食一隻，唔夠喉呢~~

蘋果批配雪糕
HK$75


這裡的甜品有好幾款，但店長推介，還是這個蘋果批配雪糕！因為是自家制作。開頭覺得HK$75一個甜品好鬼貴！但見到份量及用心，就覺得都好抵。

香脆外層的蘋果批，有著蘋果肉在內。還有肉桂的香氣。食落口，用料好足。點上雪糕一齊食，又熱又凍，很是過癮！而微脆外層仲有鬆化的批皮，口感絕對一流！


一大伙人，想要食上優質西餐、又要坐得舒舒服服，不能少了這裡啊！


Mr Tomahawk
中環,添美道1號中信大廈3樓302號鋪 
電話 : 2810 1898