酒吧內有水準的西班牙菜。.*
想不到，係酒吧內都可以食到有水準的西班牙菜式。係太子的一條街上，Channel 3呢一間，就係了！
酒吧都有呢類的座位，早啲黎食，都可以坐得好舒服。
黎得酒吧，乜都唔使叫住，都會有小食薯片俾你。有誠意的是，還有好好醬俾你點黎食。
飲品，當然少不了酒，我反而無跟餐牌叫。講咗自己要求就叫店員幫我整。是菠蘿汁加檸檬汁的一杯有酒精特飲。
酸酸甜甜好鬼開胃！~~
白酒忌廉煮青口
HK$78
呢一碟，青口的SIZE 絕對比出面餐廳食的大隻一點。而且不會煮得老晒或縮晒水。好快大家就KO咗一碟。
炸芝士飯波配蕃茄沙沙
HK$58
係咪真係有飯？我又唔太食到，但就係有薯溶的感覺。入面仲有芝士，但想講芝士味可以再濃啲。炸得無油乾身，呢點抵讚。
西班牙乳豬仔
HK$58
我想食原隻乳豬仔多啲！因為咁食，個乳豬十分唔夠喉！XDDDD
底層有法包、青瓜，夾住咗個乳豬仔。頂有個車厘茄。咁樣上絕對不會油啦~~ 而且乳豬皮夠脆，食起上黎青瓜仲令佢有啲FRESH 感。口感層次做足了。但乳豬真的不夠喉啦~~
脆炸樹皮伴松露
HK$58
見到個名，好趣怪，想不到造型同樣係好趣怪！XDDDD 究竟乜嘢係樹皮？
因為有著松露，所以很香。所謂的樹皮是好似炸面片條的東東。因為夠晒薄，所以食起上黎勁脆口。比起食薯片，悶咗就可以試一試呢款。
西班牙雜菜燴牛肋條
HK$88
牛肋條，做得極之腍！想不到會是這樣。腍到無牙都應該咬得到。個紅酒汁，完完全全入晒味。配飯食實在一流啦~~
慢煮墨西哥雞肉卷
HK$58
這個雞肉卷絕對有驚喜！想不到個汁做得惹味，而且雞肉好嫩滑。食起上黎唔會有油油滯滯的感覺。而且配料很多，一口咬落去，好有咬口。
西班牙雞肉辣肉腸燴飯
HK$78
這個飯的醬汁適到好處，不會有多汁的情況出現。每一粒飯都入晒了個汁的味。而且啊，咬落口有咬口。雞肉都嫩滑好味。辣肉腸要小心，唔食辣的朋友會好易被辣到！如果呢個飯有海鮮版就好嚕~~
蘋果木煙燻香煎石班柳伴什菜沙律
HK$168
呢個石班，外層煎得微脆、金香。有著淡淡的蘋果木香氣。而且個白汁都好開胃，食起上黎唔會有太CREAMY的感覺。配埋沙律更為健康！！
The Ztyle 。. ﾟ★ Wretch 。. ﾟ★ Beauty Exchange 。. ﾟ★ She Blog。. ﾟ★
