行開CWB，抹茶癮起，又點可以唔去食京林屋？日本抹茶百年老店，正宗京都抹茶風味，點可以錯過？！

抹茶蕎麥面
HK$78

先黎食返個抹茶蕎麥面。第一次食京林屋這一家。碧翠的抹茶蕎麥面，單睇個色，就覺得夠晒抹茶味。再配有蘿蔔溶以及香菇仔。仲有漬物，酸酸尾尾，更加開胃。

點上柚子味醬汁，食起上黎，面質爽口彈牙。條old面條分明，抹茶味清淡而不會油。夏日食這個冷面，更加不錯！

香港限定芭菲
HK$98


皇牌之一，是香港限定的抹茶芭菲，大大杯，好多層、勁足料！！

十分欣賞這裡的抹茶雪糕，夠晒厚以及綿密，不會溝咗好多水的感覺。不易溶，可見含奶量比一般軟雪糕多得多！


抹茶味濃郁，些微的抹茶甘香味。加埋個第二層的抹茶啫喱，更有口感。仲有白至，煙煙韌韌！


當然少不了有紅豆溶、Cream之類的。食完一杯，超級大滿足！！

抹茶蕨餅
HK$88


太愛食這個抹茶蕨餅，所以再黎都要再食。今次好似唔夠熱，所以扣咗少少分。個種煙韌度依然，令我十分回味。

點上醬或抹茶粉咁食，食起上黎更有層次感。個抹茶蕨餅，抹茶味適中，喜歡食煙韌甜品的朋友，不要錯過啊。

玄米茶


飲返杯玄米茶，跟住再食埋個抹茶卷蛋。呢個玄米茶係跟卷蛋一Set架！而店員再會教我哋要浸幾耐先飲得。好細心～～

抹茶卷蛋
HK$108


抹茶卷蛋用上上等抹茶粉去做個蛋卷，內層是抹茶Cream。個Cream值得一讚，不會太甜，而且Cream的溫度適中，食起上黎唔會凍凍硬硬的。


但略嫌個卷蛋鬆軟度唔夠。如果再鬆軟一啲，咁就更加好！！

配上抹茶味十分的抹茶雪糕，超正！濃郁度十足，仲有紅豆及白玉添～～


兩個人，食四樣嘢，抹茶大餐，埋單四百！但抹茶控，絕對滿足！




京林屋
Kyo Hayashiya
銅鑼灣軒尼詩道500號希慎廣場6樓603-604號舖